上一排海底撈進駐香港嘅消息每天飛，好多人都好想去試下！其實深圳仲有好多好正嘅麻辣食肆，除左好食，價錢相對比香港平，而且有幾間裝修仲好靚添！小編今次為大家介紹呢１０間餐廳，鐘意食辣嘅朋友唔好錯過啦！
＃深圳第一間特色鴨店。鴨掌門
Photo source
唔好心邪，鴨掌門只提供食物，係無其他特別服務架！鴨掌門開店已經超過５年，係一間主打食鴨嘅火鍋店，專食鴨嘅食肆真係唔多，鐘意食鴨嘅朋友就要去試下啦！
Photo via 深圳美食部落
店入面有2隻鍋底、3款口味，隨意搭配，可以要全鴨掌、全鴨翼或者兩溝都得，鍋中鍋底大份138人民幣、細份118人民幣；乾鍋大份128人民幣、細份108人民幣。網上嘅評價都話呢度嘅麻辣好好食，麻同辣嘅比例岩岩好呢！
Photo source
佢嘅鴨鍋甘受歡迎係有原因架！廚師以十幾種名貴中藥材鹵足2-3個鐘，過程一絲不苟，先有甘好食嘅鴨煲。
Photo via dianping.com
同食雞煲原理一樣，食完鴨就可以開始打邊爐啦！呢度有超過70種配菜選擇，另外仲有十幾種小食同主食供大家選擇，唔好浪費個浪底。另外，小編好建議食辣配酸梅湯，超級解辣呢！
店名：鴨掌門特色火鍋
地址：深圳福田區景田路紅荔西路交叉處魯班大廈北側星光廣場2樓53-71號鋪
人均：70人民幣
營業時間： 10:00-22:00
電話：0755-83683228，0755-83882188
地鐵：香梅站C出口
巴士：魯班大皴/景龍小學站
#香港都有 不過都係鍾意返去食。渝味曉宇火鍋
Photo via dianping.com
舌尖上的中國被譽為吃貨的專輯紀錄片，而俾佢介紹過嘅餐廳都有返甘上下水準，如果唔係點係中畇甘多間餐廳之中突圍而出呢？其實渝味曉宇火鍋係香港都有分店，不過小編就無去過啦，始終價錢都係其中一個考量黎嫁嘛！唔方便北上嘅朋友，可以考慮食香港分店架！
Photo via 潮哥
黎呢度打邊爐，當然就係因為佢越煮越辣、越煮越好食嘅獨門秘方湯底，材料係由重慶運到店，無論係色、香、味都可以滿足你對食辣嘅決心。
Photo via 本地寶
毛肚同黃喉係台入面嘅招牌，毛肚係由重慶空運到深圳，比手板大呢！而黃喉就分牛黃喉同豬黃喉，黃喉係指大動脈，爽脆可口，牛黃喉會更加脆身，食到停唔到口。
Photo via dianping.com
店面裝修都非常有傳統中國味道，好有氣氛。店內都好寬敞，呢個都係點解小編偏愛北上覓食嘅原因之一。
店名：渝味曉宇火鍋
地址：
(深圳總店) 春風路向貴樓二樓（皇室假期對面）
(香蜜湖店) 香蜜湖度假村西面南側2-A（印像草原旁）
(寶安店) 創業路與前進路交匯處西南角中洲π•商場
(深圳第二分店) 南山大道2013-2號（南航大廈對面）
人均：100-120人民幣
營業時間： 11:00-04:00
#深圳雞煲界KOL。雞煲王子
Photo via 深圳味道
辣雞煲係小編嘅心頭好，雖然香港好有好多好好食嘅雞煲，但北上覓食都係要搵下有冇好食嘅雞煲，呢間雞煲王子係深圳雞煲界嘅KOL，回頭率極高！除左因為好味，仲有因為老闆顏值高，老闆係網紅，開嘅餐廳都係網紅呢！哈哈！
Photo via 深圳味道
佢嘅香辣雞煲一上黎唔係好辣，如果同怕辣嘅朋友去食可以一開始就夾起幾塊雞肉先，之後慢慢越煮越香，越煲越辣！好辣嘅朋友係呢個時候就可以落手啦，雞嘅鮮味、配菜嘅甜味加上辣椒同洋蔥嘅辛辣感士混合埋一齊，配上冰凍椰清，正！
Photo via 深圳味道
排骨雞煲係店來另一個招牌，佢所謂嘅排骨，係薰過嘅大骨熬製而成，食起上黎少左一份清甜，多左一份香辣嘅感覺。
Photo via 深圳味道
呢２個煲都比較乾身，有少少干鍋嘅炒香味，味道較濃，唔洗點任何醬汁就好夠味。小編良心建議要飲多幾杯水啊！
Photo via dianping
店入面都幾乾淨，服務好好，小編個人鍾意坐樓上閣樓位。
同場加映:榴槤雞煲
Photo via 深圳味道
雞煲王子除左香辣、麻辣雞煲之外，仲有好多其他雞煲選擇，譬如孜然雞煲、香芋雞煲、栗子雞煲甚至田雞煲等炒鍋；亦都有清遠雞煲、豬肚雞煲、重慶豬腳煲等湯鍋；其中最特別嘅，就莫過於係榴槤雞煲啦！
Photo via 深圳味道
聽上去好似有少少暗黑料理嘅感覺，但同榴槤本人一樣，鍾意佢嘅人真係當正佢係寶，開左個頭就會停唔到口，湯汁都好好味，不過榴槤好易滯，最好就搵多幾個朋友去試啦！
店名：雞煲王子
地址：園嶺街道八卦一路16-3號(東北春餅旁)
電話： 0755-82689910
地鐵：紅嶺站，步行18分鐘
巴士：市檢察院站
＃兩椒相遇，相愛相殺。花椒遇見辣椒
Photo via dianping
唔止店名好有意境，裝修、菜名都好有講究架！花椒遇見辣椒主打綠色健康嘅麻辣鮮香，最出名係佢地香辣鍋底，越食味道越濃，如果到後面太辣，可以搵服務員加冰，鐘意辣又想打卡嘅朋友唔好錯過啦！
Photo via dianping
其實好多人黎都點鴛鴦湯底，一黎中和下麻辣湯底，二黎其他湯底都做得幾出色，料多味足。
Photo via dianping
女仔必點心心蝦滑啊！其實男女都岩食，因為真係好好味，打卡之餘仲黃顧味道，正啊！
Photo via dianping
醬料有好多選擇，鍾意「混醬」就可以係度大顯身手啦！
Photo via 視覺室內設計
Photo via 視覺室內設計
Photo via 視覺室內設計
佢嘅裝修真係可圈可點，係好多中式特色室內設計嘅範本，黎呢度除左享受美食、更享受到良好嘅服務同氣氛，重點係價錢都唔貴呢！
店名：花椒遇見辣椒
地址： 太寧路8號喜薈城3層
電話： 0755-82638990
＃香港少見。蜀炊串串香火鍋
Photo via dianping
串串香係四川人鍾愛嘅美食，多以紅油作為湯底，類似麻辣火鍋湯底，但相比起就清淡少少。
Photo via dianping
串串香多數都會推薦牛肉、雞胗鴨胗等。用竹簽串好食材，再放入湯入面煮熟。
Photo via dianping
同打邊爐最大嘅不同之處係，串串香係以乾佐料調味，將熟串串拎起直接點黃豆粉、花生碑、乾辣椒之類嘅「乾碟」就可以食啦！
Photo via dianping
食完辣野再整碗冰粉下下火，夏天去都唔怕啦！
台名：蜀炊串串香火鍋
地址： 登良路與南光路交叉口南光路34號，龍佳園小區113號門市(海王星辰藥房旁)
電話： 0755-86701633
下星期小編會公佈下５間麻辣餐廳，記住留意我地個PAGE啦！
